2025-жылдын 31-июль күнү  Самаркандек айыл өкмөтүнүн аймагында  Самаркандек айыл өкмөтүнүн жана Самаркандек АМБ колдоосу  менен бир нече маанилүү темаларды камтыган тегерек стол болуп өттү. Иш-чарага аксакалдар кеңеши, аялдар кеңеши, жаштар кеңеши, коомдук уюмдардын өкүлдөрү жана жарандык активисттер катышышты. 

Талкууланган негизги темалар:
1. Кыргыз элинин үрп-адат, каада–салттарын сактоо, муундан-муунга өткөрүү жана ашыкча жөрөлгөлөрдү кыскартуу.
2. Санариптештирүү шарттарында коррупцияга каршы туруу: келечеги жана тобокелчилиги.
3. Санариптештирүү жана жасалма интеллекттин турмуштагы зарылчылыгы.
4. Жашы жете электер арасында кылмыштуулуктун алдын алуу, эрте никеге туруу, аткезчилик маселелери.

    Иш-чаранын жүрүшүндө катышуучулар өз ойлору менен бөлүшүп, көйгөйлөрдү чечүү жолдору сунушталды. Акырында активдүү катышкан жарандарга баалуу белектер тапшырылып, кофе-брейк уюштурулду.

Уюштуруучулар мындай иш-чаралар коомдун өнүгүшүнө өбөлгө түзөрүн белгилеп, келечекте дагы уланарын билдирди.